مواقف من المدرسة

مرحبا

اليوم الخميس الموافق 8 - 5 - 2008م

كعادتنا نذهب لدواماتنا ,,

فى كل يوم يلفت نظرى شي جديد فى الحياه بشكل عام وفى المدرسة بشكل خاص تصدقون انى فى كل يوم اكتشف انه لدى البنات اللى اهم طالباتنا افكااار عجيبة غريبة

بس الحين بقولكم موقف صار لى اليوم وبعدين اقول الافكار مرة ثانية

تخيلوا اليوم جاءتنى طالبة تبي  ان تسالنى عن درجاتها فى الاختبار .. فقلت لها  ( للحين ما خلصت من التصحيح ) فردت على بصوت عالى .. ابلة سوي نفس ابلة العربي سريعة فى التصحيح .. قالتها بطريقة استفزازية.. فقلت لها ,, تعالى ابيج قربت عندى ,, فقلت لها :: ماما حبيبتى لا تنسين انج تتكلمين مع ابلتج ,, ولاتنسين انى اكبر منج فى السن ,, ولازم تتعلمين اصول التعامل مع الكبار ,, وبعدين انتى ليش تقولين نفس ابلة العربي ليش اهى شفيها ,, قالت ابله انتى شفتيها اليوم لما وديت لها الدفاتر وانا واقفه صلحتهم وردتهم معاى فقلت لها صح كلامج ,, وانا اقول بينى وبين نفسي واااى شنو هالدقة على البنات احنا قبل تصلح الابلة والا ما تصلح ماندرى وين ربي حاطنا ...

المهم نبهتها على سلوكها وقلت لها عيب ,, فتاسفت منى ..---->  

وعدى هالموقف ,,

وانا راده من الصف لقيت الموجهه زايرتنا قلت ولللللللللى وشعندها ....؟؟

سلمت عليها  وقعدت احضر حق يوم الاحد ,, واسمعها تتناقش مع رئيسة القسم ففاجئونى بسؤال ,, شنو تبين درسين العام الدراسي القادم

قلت يامن يعيش ياحليلى ماخذة الدنياااا سهاااااااااااالااااااااااااااااااات فقالووووا لا زم تقولين رغبتج بغيت اقولهم ابي اتقاعد بس قلت تونى ماصارلى 3 سنوات وطاقة جبدى شلون اللى صارلهم 15 و20 سنه وااااو الله يعينهم على نفسهم

فقلت لهم ابي ادرس صف واحد فقالوا مايصير قلت انتوا مو قلتوا  رغبتى هذى رغبتى وانا عارفة السنه الجاية اذا الله عطانا عمر مراح تعطونى اللى ابي بيكون الجدول على مزاجكم ,, فطالعونى وضحكوااا ,,,

اااااااااااااااااااخ يالتربية صرتى مهنه طااااااااااااردة

وان شاء الله بقولكم اخبار البنات العجيبة والمدرسات اللى اعجب منهم والا الادارات حدث ولا حرج